BUTUAN CITY- Gikumpirma sa Department of Justice kon DOJ nga gi-ila na isip usa ka pugante o fugitive from justice ang gaming business tycoon nga si Charlie “Atong’ Ang kalabot sa kasong missing sabungeros.
Sa pakighinabi sa Bombo Radyo Philippines kang Prosecutor General Richard Anthony Fadullon atol sa press conference, gipa-ambit niini ang kompirasyon kalabot sa sitwasyon ni Atong Ang.
Sumala niini, gikonsiderar na sa Departamento ang nasangpit nga askusado isip pogante subay sa pag-isyu sa korte og warrant of arrest. Diin sa kasamtangan, bisan gipa-aresto na kini sa Sta. Cruz, Laguna Regional trial Court Branch 26 sa mga autoridad, pakyas gihapon nga makita si Atong Ang.
Apan sumala ni Prosecutor General Richard Anthony Fadullon, nga ang pag-ikyas sa akusado gikan sa balaod dili makapahimo sa pagkalangay ingon man pagkahunong sa pag-uswag sa kaso sa susama niini nga mga akusado.
Katungod matud pa sa ubang respondents nga mapadali ang pagtaral kansa pagahimuon sa Korte kalabot sa mga akusasyon ug alegasyon.
Gibutyag usab ni Justice Secretary Fredderick “Eric” Aure Vida, nga 10 counts sa kidnapping with homicide ang kasong gi-atubang ni Atong Ang ug sa laing 17 ka mga akusado.
Gawas pa niini, gipasakahan usab kini kauban sa lain pang 3 ka respondents og laeng 16 counts sa kidnapping with serious illegal detention kalabot sa pagkawala sa mga sabungero
