BUTUAN CITY – Gitumbok ni Police Major Regino Precioso Jr Hepe sa Trento Municipal Police Station nga ang wala pagsinabtanay sa iyang kapuyo, ang rason sa pagtubok-patay sa negosyante diin gipakatulog lang niini ang iyang 2 ka mga bata samtang gikuhaan og video ang gihimong pagpakamatay.
Giila sa Hepe ang maong lalaki nga si FiliBerto Tolentino Platano, 23-anyos, nga taga Barangay Poblacion, Prosperidad, Agusan Del Sur apan kasamtangang nagrenta og establishemento sa may lungsod sa Trento sakop sa maong probinsiya nga iyang gihimung tindahan.
Saysay pa ni Police Major Precioso, dunay gamay nga wala pagsinabtanay ang biktima ug iyang kapuyo nga misangpot sa silos og hangtud nga mi-adtu sa Manila ang babaye aron unta sa pag-abroad.
Sa niaging gabii, nagkalalis ang biktima og ang kapuyo diha sa cellphone diin mibahad ang biktima nga magpakamatay ugaling modayun kini sa pag-abroad.
Nagpakitabang ang kapuyo niini ngadto sa tag-iya sa establishemento sa pagsusi sa biktima tungod kay dili na kini mutubag pa.
Kagahapon sa mga alas 8:50 sa buntag, gipugos na sa pagsulod ang nahimutangan niini ug didto nakitang nagbitay na ang lalaki nga wala nay kinabuhi gamit ang pisi.
Sumala pa sa opisyal, gi-videohan pa sa biktima ang iyang gihimung pagtubok pinaagi sa iyang cellphone.
Gipakatulog lang niini ang iyang 3-anyos ug 1-year old nga mga anak adiser gituman ang gibahad niini nga kutlo-on ang kaugalingong kinabuhi.
Pagbutyag pa sa hepe, gikustudiya una sa Municipal Social Welfare and Development ang mga bata samtang napahibalo na usab ang ginikanan sa biktima.
Sa karun, Gipahiluna na ang patay’ng lawas niini sa usa ka pribadong punerarya samtang wala pa makontak ang kapuyo niini nga atua sa Manila.
