BUTUAN CITY – Wala’y nakitang foul play ang kapulisan sa Trento, Agusan del Sur sa pagpakamatay sa usa ka negosyante kinsa nag-video pa sa iyang gihimo.
Gitumbok ni Police Major Regino Precioso Jr – hepe sa Trento Municipal Police Station nga ang wala pagsinabtanay sa iyang kapuyo, ang rason sa pagtubok-patay ni FiliBerto Tolentino Platano, 23-anyos, nga taga Barangay Poblacion, lungsod sa Prosperidad, Agusan Del Sur diin gipakatulog una niini ang iyang 2 ka mga anak adiser nagpakamatay.
Gihimo ni Platano, ang paghikog sa gi-abangang establisamiento sa lungsod sa Trento.
Saysay pa ni Police Major Precioso, dili matud pa gusto ang biktima nga mu-abroad ang iyang kapuyo apan mi-adtu gihapon sa Manila ang babaye.
Sa niaging gabii, nagkalalis ang biktima og ang kapuyo diha sa cellphone og dinhi na nagbahad ang biktima nga magpakamatay ugaling modayun kini sa pag-abroad.
Nasayrang nagpakitabang pa ang kapuyo niini ngadto sa tag-iya sa establisamiento aron susihon ang ilang pwesto tungod kay dili na mutubag pa ang biktima sa iyang mga tawag hangtud nga kagahapon sa alas 8:50 sa buntag, gipugos na sa pagsulod ang nahimutangan niini ug didto nakitang nagbitay na kini gamit ang pisi.
Sumala pa sa opisyal, gi-videohan pa sa biktima ang iyang pagtubok gamit ang iyang cellphone og nasuta nga gipakatulog lang niini ang iyang 3-anyos ug usa ka tuig nga mga anak adiser gituman ang gibahad.
Pagbutyag pa sa hepe, gikustudiya una sa Municipal Social Welfare and Development ang mga bata samtang napahibalo na usab ang ginikanan sa biktima.
