BUTUAN CITY – Gibatikos ni Vice President Sara Duterte ang mga kalaban niini sa politika human niini nakita nga gi-atake siya tungod kay babag man siya sa ilang mga personal nga interest.
Sumala sa Bise Presidnete sa iyang pagtambong sa selebrasyon sa ika-127 nga anibersaryo sa Philippine Independence Day sa Kuala Lumpur, Malaysia, gibutyag niining gisulayan siya pag-papas sa iyang mga kalaban sa politika arun malimpyuhan ang dalan ngadto sa ilang mga personal nga pangandoy.
Wala man panganli sa Bise Presidente, apan nagtangag og bug-at nga unod ang mensahe niining hulga matud pa sa pipila, ang iyahang gugma ug serbisyo sa nasod.
Subay niini, gilakbitan usab sa opisyal ang pipila ka mga anaa sa gahum nga dile matud pa alang sa katawhan ang interest.
Sigon niini, gilisod-lisdod sila sa ubang mga indibidwal gamit ang hinulamang-gahum ug kapintas, nag-unang ehemplo niini ang gihimo ngadto sa iyang amahang si kanhi Pangulong Rodrigo Duterte nga atua sa The Hague, Netherlands tungod sa gi-atubang nga kasong Crimes Against Humanity sa International Criminal Court.
Apan saad ni Duterte nga magpabilin siyang lig-on taliwala sa pakig-batok sa mga hulga ug atake.
Kauban sa Bise Presidente sa nahisgutang nasod ang mga senator-Judges nga usa sa mga mohukom kaniya sa impeachment trial nga sila Senadora Imee Marcos ug Robinhood Padilla.
Gipasabot niini nga kanunay niyang gi-uban uban ang senadora sa tanan niyang lakaw aron kini ang maningkamot nga mapabalik og uli sa Davao City ang iyang amahan, tungod kay ang iya mang igsoon ang nagpadala niini ngadto sa The Hague, Netherlands.
Si Vice President Sara Duterte.
