BUTUAN CITY – Gipadayag ni Vice President Sara Duterte nga andam siya higayong subli siyang pasakaan og impeachment complaint sa House of Representatives human sa Pebrero 6.
Kini human hingpit nang gibasura sa Korte Suprema ang motion for reconsideration nga giduso sa kamara nga naghangyo sa taas nga hukmanan nga balihon ang desisyon kansa nagdeklarang unconstitutional ang Articles of Impeachment case nga ilang gi-refer ngadto sa Senado.
Gipadayag niining dugay nang nangandam ang iyang legal team niadtong pang katapusang kwarter sa tuig 2024, dihang anaa pa sa posisyon si kanhi House Speaker Martin Romualdez kansa nakita niyang dili mu-undang hangtud nga anaa pa siya sa posisyon.
Nagpasalamat usab si VP Sara ngadto sa Kahitas-an, ngadto sa iyang mga abogado ug sa iyang mga supporters human hingpit nga gibasura sa Korte Suprema ang motion for reconsideration sa Kamara batuk sa ilang unang desisyon nga nagdeklarang unconstitutional ang rules of impeachment nga giduso nila ngadto sa Senado.
Giklaro sa besi presidente nga wala na kini niya gipahibalo ngadto sa iyang amahang si kanhi Pangulong Rodrigo Duterte, bisan ang ikaduha hangtud sa ika-upat nga impeachment complaint batuk kaniya.
