BUTUAN CITY – Nanawagan si Atty. Ferdausi Cerna, provincial director sa National Commission on Indigenous Peoples kon NCIP-Surigao del Norte ngadto sa tanang katawhan nga magbinantayon batuk sa mga peke nga tribu.
Kini dayong tumbok nga dili lakip sa narekognisa sa komisyon ang grupo ni Datu Adlaw nga nagdala sa Federal Tribal Government of the Philippines. Sumala pa ni Atty. Cerna, sa lihok ug estorya palang ni Datu Adlaw halatang dili kini lehitimo nga tribu.
Gane gisugyot pa niining sa mental hospital dalhon ang maong datu tungod kay nagpataka kini og yawyaw diin wala nasulod sa konteksto sa IPRA LAW ang iyang mga pamahayag.
Lakip sa pamatood sa tinood nga tribu ang pagpatawag ngadto sa konseho sa katigulangan ugaling dunay makasala nga sukwahi sa gibuhat sa maong grupo nga namad-lock.
Samtang sa hisgutanang yutang kabilin, giangkon sa opisyal nga taas pa kaayu ang proseso niini og gi-respetu usab kadtong mga yuta nga nahatag na sa matag indibidwal.
Si Atty. Ferdausi Cerna, provincial director sa National Commission on Indigenous Peoples kon NCIP-Surigao del Norte.
