BUTUAN CITY – Giklaro ni Trade Secretary Cristina Roque nga igo na ang ₱500 nga budget alang sa Noche Buena nga pagkaon sa Pasko alang sa gamay nga pamilya.
Sigon ni Roque, ang pamilya nga duna’y upat ka membro o mas gamay pa, makakaon gihapon og simple nga janda sa Pasko gamit lang ang ₱500 nga budget, base sa noche buena price guide sa Department of Trade and Industry (DTI).
Apan gipadayag usab niini nga ang gasto magdepende gihapon sa gidaghanon sa mga miyembro sa pamilya tungod kay ang labing barato nga 500-g nga ham, mapalit man sa kantidad nga ₱170, samtang ang 250g nga spaghetti noodles ₱30, ug ang spaghetti sauce ₱48.50.
Dugang pa niya, mahimo pa kining tapalan og macaroni salad nga adunay mayonnaise ug cheese ilabina nga ang ham, salad ug pandesal mahimong kompleto na nga basic noche buena meal nga mahimo pang abagan sa mga silingan o paryente nga kasagari manghatag og pagkaon, nga makadugang pa sa lamisa.
Mi-ani og mga pagsaway sa social media ang pamahayag ni Roque.
