BUTUAN CITY – Wala pay nakita sa karun nga person of interest ang National Bureau of Investigation (NBI) sa matud pa kill order ni Vice President Sara Duterte batuk nila Pangulong Ferdinand Marcos Jr., First Lady Liza Araneta-Marcos ug House Speaker Martin Romualdez.
Sigon ni NBI Director Jaime Santiago, kini ang rason nga gusto nilang maka-estorya ang Bise Presidente aron makapasabot siya sa iyang mga gibuhiang pamahayag niadtong adlaw nga Sabado nga gikonsidera sa mga awtoridad nga hulga sa Pangulo ug usa ka isyu sa national security.
Alayon niini, gi-serve sa mga ahente sa NBI kagahapong adlaw ang subpoena sa Office of the Vice President (OVP).
Naglaum usab ang NBI chief nga magpasabot ang Ikaduhang Pangulo kung nganung siya naka-estorya og ingon ato batuk sa Pangulo ug uban pa.
Bisan og wala na nila gilauman pa nga ibulgar ni VP Sara ang ngalan sa indibidwal nga iya matud pang gikontrata para i-assassinate o pat-yon ang Pangulo ugaling siya mapatay.
Mahinumduman nga una nang gipahayag ni VP Sara nga naulaw siya sa kamubo sa panghuna-huna ug pangisip sa presidente ug sa mga anaa sa iyang palibot tungod sa gipasi-atab nga pulong nga assassin og murder plot nga mas naghatag og kalisang sa Pilipinas.
