BUTUAN CITY – Magpatabang na ang gobyerno sa Pilipinas sa International Police Organization kon INTERPOL aron ma-aresto ang mga vloggers ug mga Pilipino nga nalambigit matud pa sa pagpakaylap og mga pekeng balita sa ubang nasud.
Sigon ni National Bureau of Investigation kon NBI Director Jaime Santiago, tumong nilang mapugngan ang pagkaylap fake news ug patubagon ang mga nalambigit niini.
Gipadayag kini ni Santiago tungod sa padayon matud pang pagkaylap sa mga sayop nga impormasyon kondiin ang uban, gikan matud pa sa mga Pilipinong atua sa ubang nasud, human ng pag-aresto kang kanhi Pangulong Rodrigo Roa Duterte.
Gipadayag ni Santiago nga ilang irespeto ang freedom of speech ug ang freedom of expression apan kinahanglan matud pa nga mahimong responsable sa mga ipagawas nga impormasyon nga makaapekto matud pa sa ubang mga tawo.
