BUTUAN CITY – Ang pambato sa Czech Republic nga si Natálie Puškinová maoy gikoronahang Miss Earth 2025 kagabii atol sa coronation night sa The Cove, Okada Manila, sa Parañaque City.
Makabububog nga pakpak ug hugyaw gikan sa crowd ang milanog dihang maayo ang iyang pagtubag sa question and answer portion sa final round, kansa iyang gitapos sa pinulongang Filipino nga “Protektahan natin ang kalikasan.”
Sa katapusang hugna, ang Top 4 kandidata gipangutana kabahin sa proposal ni Bill Gates nga ibalhin ang pondo gikan sa pakigbatok sa climate change aron suportahan ang pakig-away batok sa sakit ug kagutom.
Gitubag kini ni Puskinova sa usa ka balanse ug mapahiuyon nga paagi, nga nagpasabot sa panginahanglan sa panaghiusa ug pagtagad sa duha ka kritikal nga isyu.
Ang iyang tubag nakahatag sa inspirasyon ug nakadani sa mga hurado ug sa katawhan.
Samsa gikoronahan sila;
Miss Earth Air (1st runner-up): Soldis Vala Ivarsdottir sa Iceland
Miss Earth Water (2nd runner-up): Trinh My Anh sa Vietnam
Miss Earth Fire (3rd runner-up): Waree Ngamkham sa Thailand
Samtang ang pambato sa Pilipinas nga si Joy Barcoma, mihuman sa iyang pagrampa sa Top 8.
