BUTUAN CITY – Gibuksan ning adlawa sa Office of the Civil Defense kon OCD-Caraga ang kasa-ulugan sa National Disaster Resilience Month pinaagi sa misa nga gihimo sa St. Joseph Cathedral nga gisundan sa motorkada gikan sa Guingona Park ngadto na sa Police Regional Office-13 grounds sa Brgy. Libertad ning siyudad sa Butuan diin gihimo ang opening program.
Nanguna sa maong kasa-ulugan ang mga representante sa Caraga Regional Disaster Risk Reduction and Management Council.
Sigon ni OCD-Caraga spokesperson Ronald Anthony Briol, duna pa sila’y mga nakahan-ay’ng kalihukan alang sa tibuok buwan nga kasa-ulugan sama sa himuong Rescue Summit karong Hulyo 9 hangtud 11 didto sa Dinagat Islands province.
Dinhi ilang sukdon ang ka-andam ug interoperability sa ilang mga first responders higayong duna’y mu-abot nga kalamidad.
Sundan kini sa Usapang Resilience karong Hulyo 24, usa ka live panel show kondiin hisgutan sa ilang mga bisita ang mga isyung duna’y kalambigitan sa kalamidad kansa tapuson sa culmination activity sa Hulyo 29.
Gipadayag ni Briol nga ang kalihukan nila karong tuiga, maglibot lang sa pagpangandam sa mga posibleng mu-igo nga kalamidad base na sa tema sa kasa-ulugan karong tuiga nga ‘Bantayog ng Katatagan at ang Pagbubuklod sa Layuning Kahandaan’. Partikular nilang gipangandaman ang posibleng kusog kaayong linog nga mu-igo o ang Big One.
‘This is a symbol of resilience and boundless adherence to the goal of preparedness’.
Ronald Anthony Briol
