BUTUAN CITY – Gipamugos sa National Security Council sa Pilipinas nga dili pagpangandam sa gyera batok sa China ang himoon sa nasod nga Balikatan Exercises karong umalabot nga lunes, Abril 22.
Sumala ni NSC Assistant Director General Jonathan Malaya sa usa ka news forum karong adlawa, walay labot sa maong kalihuka nang hulga sa China. Giluwtan niini ang maong saad human nga nagpagawas sa ilahang kabalaka ang China nga nangandam na matud pa ang atung nasod alang sa pakig gyera batok kanila, kini human usab gikumperma sa maong ahensya ang pagpadala sa US og medium-range missile system sa northern Luzon.
Una niini, gikataho usab ni Balikatan 2024 Executive Agent Colonel Mike Logico nga himoon lamang ang maong Balikatan Exercises tungod kay duol man ang Northern Luzon, asa himoon ang maong kalihukaan, sa Taiwan Strait kansa posible matud pang mamahimong tinubdan sa kagubot tali sa China ut Taiwan.
Dugang niini nga ang tumo0ng matud pa sa mga sundalo, mao ang pagpangandam sa gyera, anaa man o walay China.
Alayon niini, giklaro usab ni Malaya nga walay plano ang Pilipinas nga malambigit sa kagubot batok sa China. Matud usab niini nga nakasentro ang Balikatan sa pagpakusog sa tandem sa Pilipinas ingon man sa America, ilabi na sa hisgutanang armadong kusog.
