BUTUAN CITY – Giklaro sa National Security Council (NSC) nga ordinaryong lumolupyo lamang ug dili mga ispiya ang tulo ka mga Pilipino nga gikatahong giaresto sa China.
Sumala pa ni NSC spokesperson Ass. Director-General Jonathan Malaya nga naalarma matud pa ang ilahang ahensiya sa mga kasong pang-ispiya nga giakusar sa People’s Republic of China ngadto sa 3 ka mga Pilipino. Saigon sa NSC official nga kanhing recipients matud pa sa Hainan Government Scholarship Program ang maong tulo ka mga Pilipino gna gimugna base na usab sa kasabutan sa Hainan Province sa China ingon man sa Palawan kansa naghatag og scholarships sa 50 ka mga estudayante sa Palawan ug mangiskwela sa Hainan National University.
Sumala pa sa maong ahensya nga atua lamang ang maong mga Pinoy sa China arun magtungha. Dugang niini nga nagsunod matud pa sa balaod ang maong mga indibidwal ug wala usay mga criminal records ug hugot usab nga gisusi sa Chinese government adiser kini nakasulod sa ilahang nasod. Gikwestyon usab sa NSC ang gitawag niining edited video nga gipagawas sa Chinese media kansa nagpakita sa pag-angkon matud pa sa maong mga Pilipino.
Lakip matud pa sa maong video ang pagpangayo og pasaylo sa usa sa mga Pinoy ug pagbasul niini sa ilahang nabuhat. Nabutyag usab matud pa sa maong video ang Philippine Intelligence Agency o Philippine Spy Intelligence Service kansa wala matud pa nag exist nga ahensya sa gobyerno. Tungod niini, ning gawas nga scripted matud pa ang gihimong pag-angko nsa mga Pilipino.
Tungod niini, gilantaw sa NSC nga balos lamang kini sa China sa gihimong lihitimong pag-aresto sa mga Chinese Spy sa nasod niadtung nakalabayng bulan. Alayon niini, gipaniguro sa gobyerno sa Pilipinas ang kaluwasan sa nasnagpit nga mga Pilipino nga nasikop sa China.
Nakig koordinar na usab ang Department of Foreign Affairs (DFA) ingon man ang Embahada sa Pilipinas sa China arun masiguro ang legal support ug due process sa tulo ka mga indibidwal.
