BUTUAN CITY – Padayon karun ang mga aktibidadis sa Department of Health kon DOH-caraga alayon sa pagsaulog sa National Oral Health Month ning bulan sa Pebrero.
Sigon ni Dr. Maria Carmela My Beltran, Dentist IV og Oral Health Program Coordinator sa DOH-Caraga nga nakatutuk ang ilang mga program karun sa preventive oral health care rasong dunay mga gi-organisa nga mga oral health awareness, toothbrushing drill og ang paghatag og flouride sa mga bata.
Kini ilabina kay sa Caraga daghan gihapon ang apektado sa gitawag nga dental caries o pagkadaot o pagkabangag sa ngipon tungod sa bakteria nga sagad masinati sa mga bata samtang sa mga hamtong og senior citizen, daghan usab ang apektado sa gum o periodontal disease o sakit sa lagos ug mga tisyu nga nagkupot sa ngipon.
Tungod niini, tinguha sa buhatan nga mobaba ang nasangpit nga mga kaso samtang makahatag og mga accessible og affordable nga oral health services sa katawhan.
Kini matud pa ang pasabot sa ilang tema ning selebrasyon nga Tara na, may Cleaning and Fluoride, Saan Ka Pa?”.
Sa tibook Pilipinas, gibutyag ni Dra. Beltran nga 72 porsiento ang nakasinati sa dental caries rasong gipahugtan usab nila ang kampanya nga Pamilya ang Unang Dentista nga tumong nga mahatagan og kahibalo ang mga ginikanan sa pag-atiman sa ngipon sa ilang anak.
Samtang sa gum o periodontal disease, 50 porsiento sa mga Pilipino ang apektado niini.
Apan giklaro sa Doctor nga dili dapat pulos ibot lang ang buhaton rasong sa mga outreached program, mohimo usab sila og buluhaton aron ma-protektahan ang ngipon batuk sa mga sakit.
