BUTUAN CITY – All set na ang Department of Education kon DepEd-Caraga alang sa tulo ka semana nga National Learning Camp nga himuon sa Hulyo 1 ngadto sa 5; Hulyo 8 ngadto sa 12 ug Hulyo 15 ngadto sa 19.
Sigon ni Pedro Tecson, ang tigpamaba sa maong buhatan, himuon kini sa matag-tunghaan pinaagi sa nagkada-iyang kalihukan nga pangunahan sa mga magtutudlo ug mga facilitators.
Ang nasangpit nga kalihukan boluntaryo lang alang sa mga magtutungha sa grades 7 hangtud 10 uban sa mga magtutudlo. Gawas sa National Learning Camp, duna usa’y himuong National Reading Program ug National Math Program alang sa mga magtutungha sa grades 1 to 3.
Dugang pa ni Tecson, adiser pa ang bakasyon, duna na’y mga magtutudlo nga ilang gibansay alang niini nga mga kalihukan nga hatagan sa tanang gamitong modules ug working materials apil na ang budget.
Tumong niini nga mga kalihukan nga mapalig-on ang competencies sa mga estudyante ilabina sa reading ug sa Mathematics panahon sa bakasyon.
