BUTUAN CITY – Mapasalamaton si Supreme Court Chief Justice Lucas Bersamin Jr. sa pag-imbitar kaniya nga mahimong keynote speaker sa Convention and Biennial Election sa 26th Phillipine Trial Judges League Incorporated kon PTJLI.
Gipahigayon kini kagahapong adlawa sa usa ka hotel ning siyudad sa Butuan. Mapasalamatoin si Bersamin nga wala siya nakalimtan sa mga huwis ilabina karung patapos na ang iyang pangatungdanan isip Chief Justice karung Oktubre 18.
Sentro sa iyang mensahe diha sa tema sa maong pulong nga ‘Strong and United;Justice and Equity.’ Sumala pa sa Chief Justice, kinahanglang magkahi-usa ang tanang mga judges aron mahimong lig-on sama sa silhig tukog nga walay kusog kung kini mag-inusara lang.
Sa katapusan, nagtoo ang Chief Justice nga dunay patas nga paghatag sa hustisya ugaling mawala ang korapsiyon ug dili haom diha sa pagpili ug pagtudlo sa mohawid sa renda sa hukmanan.
