BUTUAN CITY– Giawhag sa National Commission of Senior Citizens kon NCSC Caraga pinaagi ni Sarah Rose M. Salingay, Project Development Officer sa maong ahesnya ang mga Senior Citizen nga magpalista na sa ilahang kaugalingon arun maka access ang mga niini sa giandam nga benipisyo gikan sa gobyerno alang sa kaayuhan sa mga katigulangan sama na lamang sa social pension, medical assistance, ug uban pang pribilihiyo. Kahibaloan nga gibana-banang anaa sa 10 to 12 milliones na ka mga senior citizens ang ania sa Pilipinas.
Apan base s asa data base sa National Commission of Senior Citizens anaa pa lamang kini sa 6-milyunes tungod sa mga wala pa makapalista. Sumala sa Philippine Statistics Authority – RSSO XIII 2020 census nga sa maong ihap, kapin sa 200-mil niini ang mga lomolopyo sa Caraga region.
Ang pamahayag ni Sarah Rose M. Salingay, Project Development Officer sa National Commission of Senior Citizens kon NCSC Caraga.
Pagbutyag usab ni PSA Caraga Supervising Statistical Specialist Virgilio G. Avelina Jr. atol sa Kapihan sa Caraga nga ang 45% niini ang mga lalaki samtang 55% usab ang mga babae.
Sa kasamtangan nagapahigayon ang PSA Caraga sa 2024 Census of Population and Community Based Monitoring System diin lakip sa coverage niini ang nga walay puloy-anan, pamilyang nagpuyo sa kontemporaryong pinuy-anan, o kaha kadtung mga anaa sa evacuation centers.
