BUTUAN CITY – Lauman sa Enero na magpagawas og rekomendasyon ang National Bureau of Investigation (NBI) kung dapat bang iduso ang kaso batuk kang Vice President Sara Duterte mahitungod sa death threat niya kang Pangulong Ferdinand Marcos Jr.
Sigon ni NBI Director Jaime Santiago nga ang tanang ebidensiya ug mga testimonya susihon ug tun-an para madetermina kung igo para sa pagsang-at og reklamo batuk kang Duterte.
Sumala pa niini, bisan og prayoridad ang gihimong imbestigasyon mahitungod niini, naatol usab nga Christmas season rasong posibleng matapos ang deliberasyon ug final report sa panel of investigators sa pagsulod sa Enero ug posibleng sa unang semana pa lang masang-at na ang rekomendasyon sa Department of Justice (DOJ).
Una nang gibatikos ni Duterte ang NBI ug gika-ingong dili siya makakuha og patas nga desisyon.
