BUTUAN CITY – Mag-isyu ang National Bureau of Investigation kon NBI sa 10 hangtud sa 12 ka indibidwal nga miapil sa late-night virtual press conference ni Vice Presidente Sara Duterte niadtong Nobiyembre 23 diin gibulgar sa besi president nga dunay gitahasan siya para paty-on sila Pangulong Ferdinand Marcos Jr. ugaling siya mapatay.
Sigon ni NBI Director Jaime Santiago, natumbok na nila ang mga miapil sa nasangpit nga presscon ug usa-usa kining pangutan-on aron mahatagan og katin-awan ang nasangpit nga hisgutanan.
Gitin-aw usab sa NBI chief nga ang mga nangutana lang sa nasangpit nga zoom meeting ang ilang gipa-subpoena. Pasabot pa sa opisyal nga dili nila kasuhan ang nasangpit nga mga indibidwal.
Samtang gikumpirma usab ni NBI Director Jaime Santiago nga magpadayon ang imbestigasyon sa NBI sa hulga ni Vice President Sara Duterte bisan og dili kini motunga sa NBI sa Disyembre 11.
