BUTUAN CITY – Opisyal nang gitudlo si Police Lieutenant General Jose Melencio Nartatez Jr. isip bag-ong hepe sa Philippine National Police (PNP), hulip kang General Nicolas Torre III, kinsa gi-relieve sa iyang pwesto kagahapon, Agusto 25.
Ang pagka-relieve kang Gen. Torre natigayon human niya gi-reassign ang mga top officials sa PNP Command Group nga wala’y pagtugot gikan kang Pangulong Ferdinand Marcos Jr o kaha sa National Police Commission (NAPOLCOM) kondiin apil na niini ang reassignment ni Nartatez kansa gibali sa NAPOLCOM.
Ang katudluan ni Nartatez, gipirmahan ni Executive Secretary Lucas Bersamin ug gikumpirma ni Pangulong Ferdinand Marcos Jr.
Si Nartatez nagsilbi kaniadto isip PNP Deputy Chief for Administration, ang ikaduhang pinakataas nga posisyon sa organisasyon.
Membro siya sa PMA Class of 1992 ug nagkupot og dagkong posisyon sama sa pagka-director sa National Capital Region Police Office kon NCRPO, PNP Director for Intelligence, ingon man Police Director sa Ilocos Norte, ang home province sa pangulo.
