BUTUAN CITY – Na-ilhan na ang nadugtang patay’ng lawas nga narekober sa mga sundalo pasado alas-tres ning mi-aging hapon sa bukirang bahin sa Brgy. Lahi, sa lungsod sa Gigaquit, Surigao del Norte.
Kini human ang engkwentro tali sa New People’s Army kon NPA og sa militar niadtong Hulyo 10, nga milungtad og 15 minuto.
Gi-ila ni Police Inspector Cyril Cubero ang namatay nga si Rommel Pareja Tac-an alyas Jasper. 33-anyos nga taga Brgy. Camam-onan sa lungsod saa Gigaquit og matud pa, Vice Commander sa SPP sa Guerilla Front-16C.
Apil sa mga narekober ang boots, bandolier, usa nga taas nga kalibre sa armas og mga bala.
Na-turn over na ngado sa iyang mga kabanay ang patay’ng lawas aron mahatagan og desenting lubong.
Sigon usab ni B/Gen. Franco Gacal, commander sa 402nd Brigade, Philippine Army, ang napalgang patay ka-uban matud pasa grupo sa NPA nga mipatay sa pastor sa Jehova’s Witnesses niadtong Abril human naala-ang sundalo.
Nanawagan ang militar sa mga NPA nga mubalik na sa sabakan sa balaud aron ma-avail ang Enhanced Comprehensive Local Integration Program kon E-CLIP ilabina niadtong gustong magbag-o sa ilang kinabuhi. (Melody Valledor)
