BUTUAN CITY – Gisaluduhan sa National Intelligence Coordinating Agency kon NICA ang usa ka namatay nga scout ranger ug tulo niini ka mga na-angol nga ka-ubanan human ang 15-minutos nga engkwentro sa Brgy. Muritula, lungsod sa San Luis, Agusan Del Sur pasado alas-2:45 sa hapon niadtong Lunes.
Madumdumang naglusad ang mga sakop sa 75th Infantry Battalion, Philippine Army ka-uban ang ilang intelligence operatives og strike operation human nakadawat og impormasyon kalabot sa presensya sa mga rebeldeng New People’s Army.
Dinhi na natigayon ang engkwentro tali sa gibana-banang 30 ka armadong kalalakin-an nga gipangunahan ni Ka Mansoy nga miresulta sa pagkamatay ni Corporal Jimmy Geromiano samtang anaa na sa luwas nga kahimtang ang tulo niini ka mga ka-uban ang na-angol.
Sa eksklusibong pakighinabi ning sibyahan, gibutyag ni JC Solomon, ang tigpamaba sa National Intelligence Coordinating Agency kon NICA-Caraga nga dili matupngan ang sakripisyo sa kinabuhi nga gihimo sa maong mga sundalo, mahimo lang ang ilang katungdanan dinhi sa nasud subay sa target sa gobyerno nga hingpit nang mapuhag ang teroristang grupo.
