BUTUAN CITY – Laing lima ka mga patay’ng lawas ang narekober sa kasundaluhan sa nagpadayong hot pursuit operation human ang unang engkuwentro nga natigayon niadtong Domingo sa hilit nga dapit sa Brgy Kamanikan, Gingoog City, Misamis Oriental nga utlanan usab sa Las Nieves, Agusan Del Norte.
Nasayrang girepondehan sa tropa sa 23rd Infantry Battalion, Philippine Army ang sumbong sa sibilyan mahitungod sa presensiya sa armadong grupo nga miresulta sa engkuwentro batuk sa gibana-banang 80 ka miyembro sa Guerrilla Front (GF) 4A sa North Central Mindanao Committee nga miresulta sa pagkapatay sa 10 ka rebelde.
Gilusad ang pursuit operation sa nagkatibu-agya nga mga rebelde rason sa mga matigasyong pinusilay nga mikalas sa laing 5 ka rebelde rasong sa katibuk-an, 15 na ang nakalas sa panig sa NPA.
Nakumpiska usab ang mga gamit pang-giyera sama sa duha ka M16 rifles, usa ka AK47 rifle, usa ka Carbine rifle ug usa ka M14 rifle nga dunay nagkalain-laing magazines og mga bala, communication gadgets ug devices, 10 ka anti-personal mines, mga medical items ug personal nga mga gamit.
Positibong geila sa mga kanhi rebelde nga mitahan sa gobyerno ang mga namatay nga mga top ranking officers sa Communist Terrorist Group kansa gilangkuban nila Rio Amor Yuson alyas “LEMA” kinsa Finance Officer sa NCMRC ; Peter Mansaginda Pinakilid alyas “ALOY” kinsa Political Officer, sa GF4A ingon man ang usa ka Ian Dela Rama alyas “GIAN”, kinsa Front Secretary sa GFC4A, NCMRC, usa ka Paquito Namatidong alyas “SANGKA” , ug Peter Mansaginda Pinakilid alyas “ALOY” Political Officer sa GF4A.
Ang mga patay’ng lawas gipahiluna sa duha ka pribadong punerarya sa Gingoog City diin gihulat ang pagkuha sa ilang pamilya.
