BUTUAN CITY – Gikumpirma sa kadumalahan sa 402nd Infantry Brigade, Philippine Army nga amahan ni ka Baking ang napatay nga rebelde sa natigayong engkuwentro sa nakalabay nga adlaw sa Brgy Macalang, Buenavista, Agusan del Norte.
Giila sa kanhe rebelde ang napatay nga si Peter Pinakilid, usa ka Political ug Finance Officer sa Guerilla Front 4A; miyembro usab kini sa Platoon Sagay sa Sub-Regional Committee (SRC) 3; ug amahan sa notoryos nga rebelding NPA nga si Jelan Pinakilid alyas ka Baking nga napatay sa engkuwentro batuk sa tropa sa 58IB Philippine Army niadtong Pebrero 18, 2022.
Nasayran nga naglusad og combat operation ang 12th Scout Ranger Company sa 4th Scout Ranger Battalion og naka-engkuwentro ang gibana-banang 20 ka rebelde nga naghimo og extortion activities ug nag-implementar sa permit-to-campaign ug permit-to-win ngadto sa mga kandidatu.
HUman sa engkuwentro, nakumpiska usab ang 3 ka units sa AK47, mga subersibong dokumento og ubang personal nga kagamitan.
