BUTUAN CITY – Duna na’y duha ka persons of interest sa nahitabong masaker sa Sitio Gapas-Gapas, Brgy. San Pedro, Cantilan, Surigao del Sur nga gikamatay sa upat ka myembro sa pamilya Ravelo.
Naila ang mga biktima nga sila Rogelio “Jocjoc” Ravelo Jr., kanhi overseas Filipino worker, asawa niining si Alfonsita Roales Ravelo, usa ka elementary school teacher ug duha nila ka mga anak nga sila RJ Ravelo, 9 anyos ug CJ Ravelo, 3 anyos.
Sa eksklusibong pakighinabi sa Bombo Radyo Butuan gibutyag ni San Pedro Brgy Captain Marcolito Ata, nga hangtod sa pagkutlo ning balita wala pa sila’y natumbok nga tukmang responsable sa maong krimen. Sa eksklusibong pakighinabi sa Bombo Radyo Butuan gibutyag ni San Pedro Brgy Captain Marcolito Ata, nga hangtod sa pagkutlo ning balita wala pa sila’y natumbok nga tukmang responsable sa maong krimen.
Gawas sa igsoon ni Alfonsita nga gidudahang mihimo sa kremin tungod sa away sa utang ug yuta, ang lain matod pa nilang gidudahang suspek mao ang bana niining si “Jocjoc” nga gitu-uhang mi-unay ra pagpatay sa iyang duha ka anak ug asawa adiser gikutlo ang aouang kinabuhi sa nahitabong krimen ning nakalabay’ng ala-una sa kaadlawon.
Sumala ni Kapitan Ata, gipapa-uli ang suspek gikan sa middle east diin kini nanarbaho human matud pa namatikdan nga duna nay sakit sa pangisip.
Sigon usab sa amahan sa suspek nga si Rogelio Ravelo Sr., una ng nangayo kaniya ug pasaylo ang anak adiser nahitabo ang maong krimen.
Kanunay matod pang makadungog ang mga silingan ug dili maayong pulong gikan niini ug maghinuktok usab.
