BUTUAN CITY – Namintina ni Japanese boxer Naoya Inoue ang iyang undisputed junior featherweight championship pinaagi sa seventh-round technical knock-out kon TKO victory batuk kang TJ Doheny sa ilang away sa Tokyo kagabii.
Namintina ni Inoue kinsa aduna na’y 28-ka daug, wala pa’y pildi ug 25 nga daug pinaagi sa knockout ang iyang upat ka 122-pound titles. Si Doheny nga duna na’y lima ka pildi uban sa 26-ka daug ug 20 ka knockout, wala ka-agwant sa ika-16 segundos sa round 7 human gibugahan og nagpungasing kinomo ni Inoue diha sa iyang lawas.
Ang 37-anyos nga si Doheny, usa ka Irishman, mihunong na sa pag-away dayong hawid sa iyang lower back uban sa iyang right glove.
Gihunong gilayon sa referee ang away dihang nanginahanglan na og assistance si Doheny uban sa duha niya ka mga team members padulong ngadto sa locker room.
Subling mu-away si Inoue sa 122 pounds sa ikalima nga sunod-sunod nga higayon adiser ang iyang posibleng featherweight fight sunod tuig.
