BUTUAN CITY – Pormal nang gikumpirma si Prabowo Subianto isip sunod nga presidente sa Indonesia human niini gipildi ang duha niya ka mga karibal kinsa misaad nga mag-file og legal complaint sa election nga gilusad niadtong Pebrero.
Sa eksklusibong pakighinabi sa Bombo Radyo Butuan, gibutyag ni Bombo international correspondent Jhun Hernandez, kinsa 33 ka tuig nang nagtrabaho ug nagpuyo sa maong nasud, si Defence Minister Prabowo ug ang iyang vice presidential running mate nga si Gibran Rakabuming Raka, kinsa anak ni out-going President Joko Widodo kon mas naila sa bansag ng Jokowi, midaog og majority sa mga boto atol sa eleksyon niadtong Pebrero 14.
Kini human nasakmit ang 59 percent sa boto kansa bugti sa kapin 96 million ka mga boto, base na usab sa pagkumpirma ni General Elections Commission Chair Hasyim Asy’ari.
Suportado matud pa sa mga dagkong negosyante ang mga Widodo rason nga nakuha sa tandem sa iyang anak nga si Gibran ug ni Prabowo, ang kada-ugan.
Misaad siya nga duna’y matigayong hapsay nga transition sa gahom ug ipadayon ang trabaho sa sikat kaayo nilang presidente atol sa transition period karong Oktubre.
