BUTUABN CITY – Ningkabat na sa 546 ang natalang namatay tungod sa kaso sa dengue sa Pilipinas karong tuig 2024 base na usab sa datos nga gipagawas sa Department of Health (DOH). Bugti kini sa case fatality rate nga 0.26%, kon mas ubos kumpara sa 0.39% niadtung nakalabayng tuig.
Sumala ni Health Secretary Ted Herbosa, ang mas ubos nga ihap sa mga namatay tungod sa dengue, mamahimo matud pang tungod sa maayong pagdumala sa mga balay tamabalanan sa nasod.
Samtang, sukad usab niadtung Enero 1 ngadto na sa Setyembre 6, anaa na sa kinatibuk-ang 208,965 ang natala nga kaso sa dengue, mas taas og 68% kumpara sa parehong period sa nakalipas nga tuig kansa ning kabat sa 124,157 cases.
Nakita usab sa maong datus ang padayon nga uptrend sa dengue cases karong rainy season, diin niadtung unang duha ka semana sa Agosto, ning saka ang kaso sa maong sakit sa tanang rehiyon gawas na lamang sa Mimaropa, Bicol Region, Zamboanga Peninsula, ingon man sa Bangsamoro.
Sa kasamtangan, padayong nagpahinumdum ang DOH sa publiko nga sundon ang 4S strategy kotra sa dengue lakip na ang search o ang pagpangita ingon man pagguba sa mga puy-anan sa mga lamok, Secure self-protection, Seek early consultation ingon man ang support fogging o spraying sa hot spot areas ilabi na karong ting-ulan.
