BUTUAN CITY – Wala gipalabay ni Senadora Risa Hontiveros ang paghisgot ni kanhi Pangulong Rodrigo Duterte nga duna siya’y gimugnang death squad nga gilangkuban sa pito ka mga tawo. Gikwestyon sa senadora kung unsa ang structure sa maong organisasyon ug kinsa ang mga tawong nalambigit niini.
Tubag sa kanhi pangulo, batuk lang sa mga kriminal ug mga kremin ang maong grupo nga gisalmutan matud pa sa mga adunahang indibidwal sa Davao City nga wala’y laig gusto kondili ang kalinaw lang sa ilang siyudad.
Apan dihang gipugos ang kanhi presidente pagtumbok sa maong mga pangalan, gihimo niining rason ang kadugay na sa panahon nga nahimo siyang mayor nga mao usa’y pagmugna niya sa maong grupo kansa dili na niya madumduman ilabina nga 73-anyos na matud pa siya.
