-- ADVERTISEMENT --
BUTUAN CITY – Tingkagol karon sa karsel sa Butuan City Police Station 2 ang usa ka babayeng membro sa LGBTQ+ community ug nagpataya og illegal numbers game human nasapon sa gilusad nga joint operation pasado alas-6:57 kagabii sa may Langihan Premium Market sakop sa Brgy. Holy Redeemer ning siyudad.
Naila ang dinakpan nga si Michelle Mariallano, 27-anyos, dalaga ug residente sa Purok 2-A, Brgy. Bading ning siyudad.
Nakuha gikan sa iyang posisyon ang balor P386.00 nga marked money, mga gamit pangtaya ug usa ka cellular phone.
Gi-andam na usab ang kasong illegal number game nga ipasaka batuk sa maong dinakpan.
