BUTUAN CITY – Nahimo karong sentro sa hisgutanan sa katawhan sa Surigao City ang usa ka nagpa-ilang “Jesus Christ” kinsa midagan pagka-kagawad of Barangay Rizal alang sa umalabot nga synchronized Barangay og Sangguniang Kabataan Elections.
Ang 40-anyos nga si Charlie Bucao Talledo, residente sa nasangpit nga barangaym nagsubmite sa iyang Certificate of Candidacy pagka-barangay kagawada ngadto sa COMELEC-Surigao.
Sigon ni City Election Officer Gina Taer, gipa-ila ila ni Talledo ang iyang kaugalingon isip ‘Jesus Christ’ kinsa musuroy kanunay sa maong syudad bitbit ang usa ka stick nga duna’y krusipiho sa ibabaw nga bahin niini.
Iyang gibutyag nga sa tuig 2019, magduso usab siya sa iyang COC pagka-congressman sa ikaduhang distrito sa Surigao del Norte.
Nasayrang midagan na usab siya pagka-besi gobernador, pagka-City Mayor og pagka-City Kagawad og niadtong tuig 2010, gi-disqualify siya sa COMELEC hangtud nga kagahapon gidawat ang iyang candidacy og magpabilin siyang kandidato hangtud nga dili siya ideklarang usa ka nuisance candidate.
Gusto ni Talledo nga magserbisyo sa Barangay Rizal aron isabwag matud pa ang maayong pulong sa gingharian sa Ginoo. (Beth Ruiz)
