BUTUAN CITY – Hustisya ang singgit sa pamilya Jumawan human gipusil-patay sa mga miresponding pulis ang mag-uumang si Danilo Jumawan, 49-anyos ug residente sa Purok 2 Brgy. Poblacion, Bayugan City, Agusan del Sur.
Migawas sa inisyal nga pakisusi ning sibyahan nga nagbahas-bahas ang biktima sa may Purok 3, Libre St., Brgy. Taglatawan, bitbit ang sundang human matud pa gibansagang tulisan rason nga nanawag na og police assistance ang mga anaa sa palibot.
Balik-balik kining gi-awhag sa mga pulis nga ibutang ang sundang ug dihang wala’y epekto ang ilang gihimo, ila na kining gipusil sa nagkada-iyang parte sa lawas hinungdan sa iyang kamatayon.
Napuno og batikos ang mga miresponding pulis tungod kay mahimo ra matud pa kining pusilon sa tiil aron ma-neutalize apan gi-intimano hinungdan sa pagpalag sa iyang pamilya.
