BUTUAN CITY – Gipangunahan nila Department of Labor and Labor and Employment kon DOLE-Caraga Regional Director Atty. Joffrey Suyao ug ni Assistant Regional Director Raymond Fel Sajor, ang pagbukas sa Kadiwa Ng Pangulo dinhi Agusan del Norte partikular sa Butuan City kansa kabahin sa pagsa-ulog sa Labor Day.
Ang Kadiwa Ng Pangulo duna’y display nga mga locally produced products sa tibuok rehiyon nga mahimong pahimuslan sa mga konsumidor tungod sa barato niini nga presyo.
Sigon ni Atty. Joffrey Suyao, Regional Director sa Department of Labor and Employment kon DOLE-Caraga, ubay-ubay nga mga basic goods and commodities ang gipang-display kansa produkto sa mga local farmers ug mga business owners sa tibuok rehiyon.
Didto sa Agusan del Sur, gihimong venue sa Kadiwa ng Pangulo ang Datu Lipus Makapandong kon Naliyagan Ground sa Brgy. Patin-ay, lungsod sa Prosperidad, samtang sa Surigao del Norte gihimo kini sa Surigao City Luneta Park, sa Surigao del Sur didto kini gihimo sa Vicente T. Pimentel Jr. Gymnasium sa Tandag City samtang sa Dinagat Islands province, gihimo kini sa Barangay Gym, sa Brgy. Don Ruben, sa lungod sa San Jose.
