BUTUAN CITY – Gipangunahan sa pipila ka mga konsehal ning siyudad sa Butuan ang pagsa-ulog sa ika-126 nga kasumaran sa kaugalingnan sa Pilipinas nga gipahigayon sa Guingona Park.
Ang mensahe nila Mayor Ronnie Vicente Lagnada ug Vice Mayor Lawrence Lemuel Forun, gibasa na lang nila Konsehal Omar Andaya ug Konsehal Rey Desiata.
Full force usab ang presensya sa mga hepe sa nagkada-iyang local government offices sa City Hall.
Sa mensahe ni Mayor Lagnada nga gibasa ni Konsehal Omar Andaya, gibutyag niining matag-tuig, atong gisalamin ang legasiyang gibilin kanato sa atong katigulangan, ang kagawasang dugay nilang gipakigbisugan kansa dili matud pa nato angayang kalimtan.
Samtang ang mensahe usab ni Vice Mayor Law Fortun, gibasa ni Konsehal Rey Desiata kansa nagpadayag sa nagkada-iyang hagit sa modernong panahon nga mahimong hulga sa dugay nang na-angkong kagawasan sa mga Pilipino.
