BUTUAN CITY – Pasip-sip lamang ang gihimo ni Police Major General Nicolas Torre III sa pagpasaka niini og kaso batok kang kanhi Pangulong Rodrigo Duterte.
Kini ang hugot nga gituohan ni Engr. Dioric Gavino, ang Secretary General sa Sara All Movement human nag-file og complaint si Torre sa Department of Justice batok sa kanhi presidente tungod sa kill remarks niini ngadto sa 15 ka mga Senador atul sa pagpangampanya sa senatorial slate sa PDP-Laban.
Sumala ni Gavino, nasayod na ang tanang Filipino nga puro komedya lamang ang ingon niini nga pulong sa kanhi presidente ug wala matud pa kini probable cause ug saktung basehan nga nakalapas na sa balaod. Pagklaro pa ni Gavino, implementor lamang ang kapulisan sa balaod, ug dili kini makalihok ugaling walay mga reklamante.
Kahibaloang nagpadayag na usab si General Torre sa ka-andam niining mutestigo alang sa impeachment batok kang vice president Sara Duterte. Sumala ni Gavino, usa kini sa mga rason nga duna pay daghang mga indignation rally nga himoon isip pagpakita ug suporta ngadto kang Besi Presidente Sara Duterte nga nag-atubang karun og impeachment complaint.
Nanghinaot na lang si Gavino nga mopili ang publiko sa mga kandidato nga alang sa katawhan ug dili alang sa ilang personal nga interest.
