BUTUAN CITY – Gipaniguro ni Atty. Edwin Jon Pizarro, officer-in-charge kon OIC Assistant Manager sa Office of the City Economic Enterprise kon OCEE ning siyudad sa Butuan nga aksyunan ang pagkasikop sa ilang aid collector atol sa gilusad nga anti-illegal drugs operation pasado alas-6:40 sa gabii sa usa ka lodging house sa Purok 1, Brgy. Bancasi, ning siyudad.
Sa eksklusibong pakighinabi sa Bombo Radyo Butuan, gibutyag ni Pizarro nga ila nang gipanubayan ang pagkasikop ni Junry Montilla, 44-anyos, residente ning siyudad sa Butuan kinsa nadakpan uban si Ronnie Simplicio alyas Nonoy, 47-anyos ug residente sa Purok 4, Brgy. Santa Fe, Esperanza, Agusan del Sur.
Nakuha gikan sa ilang posisyon ang usa ka kilo nga suspected shabu nga gibana-banang mukantidad og 6.8-milyunes pisos uban sa mga drug paraphernalia.
Sigon ni Atty. Pizarro ubay-ubay na nga mga empleyado sa City Hall ang napapha sa ilang trabaho tungod sa paglambigit sa ilegal nga druga rason nga wala sila’y nakuhang benepisyo.
Gani sa ila mismong buhatan, duna na’y tulo nila ka mga ka-ubanan ang nagpositibo sa ginadiling druga nga napapha na usab sa trabaho rason nga iyang girekomenda ang pagpahigayon og random drug test.
