BUTUAN CITY – Patong-patong nga mga kaso na ang gi-atubang sa unom ka mga criminology students sa usa ka pribadong uniberisidad ning dakbayan sa Butuan human nadakan sa buy-bust operation sa mga ginsakapan sa Philippine Drug Enforcement Agency (PDEA) -Caraga sulod sa usa ka boarding house sa Brgy. Diego Silang ning mi-aging alas-3:30 sa hapon.
Sa pakighinabi sa Bombo Radyo Butuan ngadto sa team leader sa raiding team nga si Marjorie Vito, gibutyag niining ning mi-aging tuig pa nila gipanubayan ang 23-anyos nga si Jade Montalban, residente sa lungsod sa Lianga Surigao del Sur kinsa maoy subject person sa maong operasyon.
Dakpan usab ang laing lima niya ka mga ka-ubanan human aktong nasapong nag-pot session sulod sa boarding house nga gipanag-iyahan ni Manang Rita nga sila Winston Amozan 26-anyos ug Von Marvin Amozan 21-anyos; parehong residente sa Barangay Mahogany ning syudad, Vladimir Pagtalunan, residente sa Barangay Vicente ning siyudad ingon man ang kaluhang sila John Lenbert Rodrigo ug Jairus Sam Lim.
Madumdumang nakuha sa ilang posisyon ang nagkadaiyang illegal drugs paraphernalia sama sa aluminum foil, lighter m duha ka sakong shabu ug balor 500 pesos buy bust item.
Nasayrang ang duha sa mga nasapon gikatakda untang mugaradwar karong buwana.
