-- ADVERTISEMENT --
BUTUAN CITY – Nadawat na kaganinang buntag ni Lina Tomaquin, 46-anyos, residente sa Brgy San Isidro, Talisay City, Cebu, ang iyang nadag-ang usa ka milyon ka pisos isip grand prize winner sa One-Two Panalo sa Star FM at Bombo Radyo Part 24 promo.
Alayon niini, siya na ang ika-76 nga milyunaryong nasakop sa Bombo Millionaire’s Club human personal nga nakuha ang iyang premyo sa Bombo Radyo Cebu.
Gibutyag niini nga ang iyang nadag-an, iyang igasto sa pagpa-eskwela sa iyang anak ug puhunan usab sa iyang himuong negosyo.
Dako ang iyang pasalamat tungod kay sa unom ka tuig na niyang pagsalmot sa mga promo sa Bombo Radyo Philippines, iya nang nakuha ang dugay na niyang gipangandoy nga ganti.
