BUTUAN CITY – Hingpit nang nakuha kaganinang buntag sa mga mananaog sa grand draw sa Swerte sa Palengke 2024, Balde-Baldeng Papremyo Na, May Cash pa promo, ang ilang nadag-ang ganti. Unang mikuha sa iyang nadag-ang 10-mil pisos isip ikatulong mananaog si Jornaline Ligad nga residente sa Purok 7, Brgy. MJ Santos ning siyudad sa Butuan gamit ang Whitfields ointment isip proof of purchase. Gamiton matud pa niya ang nadag-ang ganti sa panginahanglanon sa ilang balay rason sa grabe niyang pagpasalamat sa Kahitas-an.
Samtang gamiton usab ni Cerila Tejero, residente sa Purok 4, Brgy Los Angeles ning siyudad sa Butuan ang nadag-an niyang 15-mil pisos isip ikaduhang mananaog, gamiton niya pagpalit sa mga panginahaglanon sa ilang panimalay sama sa bugas.
Samtang tumang kalipay usab ang gibati sa major prize winner na si Emmanuel Ponce nga residente sa Purok 5, Brgy. Ampayon ning siyudad tungod kay madayon na gyod ang ilyang pagsa-ulog sa Pasko ug pagsugat sa bag-ong tuig gawas nga makapalit pa siya og bugas alang sa iyang pamilya og duna pa siya’y pangbayad sa iyang motorsiklo.
Samtang sa consolation prize winners –
Tumang kalipay usab ang gibati ni Rudy Delara, residente sa Purok 9, Brgy. Maguinda ning siyudad human na-claim ang iyang ganti kondiin una niya kining pag-apil ug una usab niya kining pagdaug.
Gamiton niya ang nadag-ang kwarta pagpalit og bugas ug sud-an ingon man mga produktong gamiton isip proof of purchase sa promo karon. Nanawagan siya sa tanang taga-Maguinda nga mu-apil na sa mga promo sa Bombo Radyo aron mudaog sama kaniya.
Sunod nga mi-claim sa susamang ganti si Mary Ann Jumamil, residente sa Village 2, Brgy. Libertad ning siyudad sa Butuan kondiin gamiton matud pa niya pagpang-grocery ang nadag-ang ganti ilabina nga birthday karon sa iyang anak.
Samtang ipalit usab og bugas ug sud-an ingon man pangbayad sa obligasyon sa ilang pamilya ang nadag-ang ganti ni Loida Elumba sa Purok 19, Alviola Subdivision sa Brgy. Baan Km 3 ning siyudad sa Butuan.
