BUTUAN CITY – Gitapos na ning adlawa sa Agusan del Norte Provincial Jail ang pito ka semanang pagsa-ulog sa 29th National Correctional Consciousness Week kon NACOCOW 2024.
Sa eksklusibong pakighinabi ning sibyahan, gilbutyag ni provincial jail warden Fermin Antenorio nga kaganinang buntag gihimo ang awarding sa mga premyo gikan sa mga padula ug pakontes nga nadag-an sa ilang mga living spacers.
Human sa maong kalihukan, gihimo gilayon nila ang post assessment ug evaluation sa tanan nilang mga activities aron ilang masayran kung unsa ang ilang palambuon pa ug angayang tangtangon sa sunod tuig nga selebrasyon.
Ang kalampusan sa ilang kasa-ulugan ning tuiga, gipasalamatan sa opisyal ngadto sa tanang misuporta niini ilabina sa provincial government.
Gidugang sa opisyal nga sukad sa iyang pag-abot sa maong pasilidad niadtong tuig 2014, ubay-ubay nga mga kalihukan ang iyang gipalambo nga nakatabang pag-develop sa abilidad sa mga living spacers ilabina sa ilang saktong pamatasan ug sa kinatibuk-ang pagkatawo.
