BUTUAN CITY – oil spillPatay nang nakita kaganinang alas-3:00 sa hapon ang na-missing nga tripolante gikan sa MT Terra Nova, ang oil tanker nga mitikla-ob sa kadagatan sa Bataan kaganinang kaadlawon.
Gikan sa 17 ka mga crews sa maong oil tanker, 16 ang naluwas sa mga sakop sa Philippine Coast Guard dihang wala pa hingpit nga mitikla-ob ang barko.
Napalgan sa mga sakay sa BRP Melchora Aquino (MRRV-9702) ang patay’ng lawas sa na-missing nga crew sa kadagatan sa Limay, Bataan.
Nasayrang karga sa oil tanker ang 1.4 million litros sa industrial fuel oil, nga nagsugod na pagkatag sa kadagatan sa Bataan ug sa Manila Bay.
Nag-deploy na usab ang PCG deployed og tulo ka 44-meter multi-role response vessels aron ma-contain ang oil spill kondiin pito ka adlaw ang ilang target nga tapuson ang siphoning aron dili na kini mukaylap pa og maayo.
