BUTUAN CITY – Patay nang napalgan dapit sa pantalan sa Brgy. Bungtod, Tandag City, lalawigan sa Surigao del Sur ang una ang gideklarang na-missing nga mananagat nga si Jessil “Regan” Sabandal Cuarteron, residente sa Purok 3-C, Brgy. Poblacion, lungsod sa Cortes, sa susamang lalawigan.
Sa report sa Cortes Municipal Disaster Risk Reduction and Management Office, napalgan kini kaganina ug nakumpirma na sa iyang kabanay ang iyang identity.
Madumdumang sa eksklusibong pakighinabi sa Bombo Radyo Butuan, gipadayag sa ka-ipon niining si Juvielyn Acevedo Barretta, nga na-missing kini sukad pa niadtong Abril 4 sa alas-6:00 sa buntag, ang oras nga mibiya kini sa ilang panimalay aron managat.
Nanguna matud pa pag-uli ang iyang mga ka-ubanan kay nakasubid matud pa kini og dakong isda apan natingala na lang sila nga wala gihapon kini maka-uli.
Pagka-alas 5:00 sa hapon sa susamang adlaw, napalgan sa usa ka mananagat nga-Tandag City sa susamang lalawigan ang iyang panagatan didto sa Ayoki sa lungsod sa Cantilan apan wala siya niini rason nga gidala kini sa Tandag City.
Gitu-uhan no Barretta nga nakuratan sa iyang nasubid nga isda ang biktima og nadala kini.
