-- ADVERTISEMENT --
BUTUAN CITY – Wala na’y kinabuhi nga gipadpad sa baybayon ang una nang na-missing nga 9-anyos nga batang lalaki samtang kini naligo sa Nature’s Park Resort sa Brgy. San Pedro, lungsod sa Cantilan, Surigao del Sur niadtong Dominggo sa hapon, Marso 23, 2025.
Una nang nagpatala sa Cantilan Municipal Police Station ang ginikanan sa Grade 4 pupil sa Cancavan Elementary School sa lungsod sa Carmen, Surigao del Sur, human nga wala namakabalik pa sa baybayon ang biktimang si alyas Roa.
Kagahapon sa buntag, napalgan kini sa mga residente dihang napadpad sa baybayon duol sa Consuelo seawall sa nasangpit nga lungsod.
