BUTUAN CITY – Hustisya ang singgit sa pamilya sa usa ka 21-anyos nga graduating nga kolehiyala human kini giluba sa 15 ka higayon sulod sa ilang panimalay sa Purok DBP, Brgy. Apopong, General Santos City kagahapon sa alas-8:00 sa buntag.
Nasuta sa imbestigasyon sa GenSan City Police Station nga padayon pa ang konstruksyon sa pinuy-anan sa biktimang si Miyuki Kim, graduating student sa Mindanao State University-GenSan kinsa nag-inusara lang sulod sa ilang wala pa’y pultahan nga panimalay rason nga dali ra kining nasulod sa wala pa mailang responsable.
Gibutyag ni Police Major Jethro Doligas, hepe sa kapulisan sa Makar Police Station, aduna na sila’y gi-imbitar nga pipila ka indibidwal aron muhatag og pagpasabot kalabot sa maong kremin dayong klaro nga wala pa sila’y person of interest ug padayon pang gisuta kung gihilabtan ba ang biktima adiser brutal nga gipatay.
