BUTUAN CITY – Ning abot na sa Port of Masao sa may Barangay Lumbocan, Butuan City ang MV RPS Explorer kaganinang alas 2 ang takna sa hapon. ang MV RPS Explorer usa ka research vessel gikan sa Department of Environment and Natural Resources-Mines and Geosciences Bureau (DENR-MGB), duna kini sakay nga 17 ka mga marine crew members, ingon man 14 ka mga opisyales sa Mines and Geosciences Bureau Central Office.
Tumong sa maong barko ang paghimo og geological ug mineral exploration activities sa Leyte-Panaon-Butuan offshore areas. Alayon niini, gustong matugkad sa nasangpit nga pagdukiduki ang economic potential sa nasangpit nga marine zones, diin nakapokus usab kini sa pag identify ug pag-analyze sa occurrence, concentration, ug genesis kon sinugdanan sa mga mineral resources.
Langkuban ang maong research sa polymetallic sulfides; placer mineral deposits, lakip na niini ang gold, platinum, titanium, iron, rare earth elements, ingon man mga ferromanganese nodules.
Sumala ni Crisostomo V. Masangkay, Senior Geologist ug Team Leader sa maong ekspisisyon, magpondo ang nasangpit nga barko sa Masao Port sulod sa duha ka adlaw, isip pag tak-op na usab sa ilahang ekslporasyon sa kabaybayonan sa mga probinsya sa Leyte ingon man sa Surigao.
