BUTUAN CITY – Nagtoo si Sultan Gamal Amerol, sultanate sa kumunidad sa Muslim ning siyudad sa Butuan nga ang giduso nga bag-ong Bangsangmoro Basic Law kon BBL sa Bangsamoro Transition Commission (BTC) sa Palasyo sa Malacañang, dunay dakong puruhan aron makab-ot ang tiunay nga kalinaw dili lang sa tibook Mindanao.
Base sa obserbasyon ni Sultan Amerol, ang maong BBL makawagtang sa dugay nang kasilag sa mga Filipino, ma-muslim, kristiyano o lumad.
Nagtoo usab kini nga 99 porsiento sa mga teroristang nagsabwag ug kagubot sa Mindanao ang mapapas tungod kay matugutan naman ang kaigsoonang muslim nga maoy musumpo sa mga niini.
Samtang gipahayag usab ni Sultan Amerol nga halayu sa kamatooran nga magkabahin-bahin ang mga kaigsoonang muslim tungod sa BBL.
Paghupay pa niini, ang nagsang-at sa BBL nga MILF gilangkuban sa nagkadaiyang tribu sama sa Tausog, Maranao ug Maguindanao.
Tataw matud pa kaayu nga nagkahiusa ang mga kaigsoonang muslim sa usa ka katuyuan.
Alayon niini, mihangyu ang sultan sa tanang magbabalaod nga suportahan si Pangulong Rodrigo Duterte para sa hingpit nga pagpapasar sa BBL.
Mapasalamaton si Sultan Amerol sa pagdawat ni Pangulong Duterte sa maong BBL dungan sa panghinaot nga seryoso ang presidente.
