BUTUAN CITY – Nakumpleto na ang legal team ni kanhi Pangulong Rodrigo Duterte aron mudepensa kaniya sa pagdungog sa iyang kaso sa International Criminal Court kon ICC.
Sigon sa iyang legal counsel nga si Nicholas Kaufman, posibleng sa Lunes ibulgar na sa publiko ang mga pangalan sa mulangkob sa legal team. Dugang pa sa British-Israeli lawyer, dili kauban sa listahan si kanhi presidential spokesperson Harry Roque tungod kay nangayo man kini og political asylum sa Netherlands rasong dili kini mahimong mutambong sa mga pagdungog sa korte.
Una nang gibutyag ni Vice President Sara Duterte nga duna pa kini gipa-abot nga mga dokumento adiser makabalik sa Pilipinas diin naglaum siya nga makompleto ang legal team sa amahan adiser kini makabiya sa The Netherlands.
