BUTUAN CITY – Mahimo matud pang maproklama sa Commission on Elections kon COMELEC karong weekend ang 12 ka mga winning senators sa May 12 national and local elections kondiin target nilang sa Sabado, Mayo 17, ang pinakasayong proklamasyon.
Nasayrang hangtud kagahapon sa udto kon usa ka adlaw human sa eleksyon, anaa na sa 98.99% ang na-transmit nga local election returns (ERs) ngadto sa COMELEC transparency servers kansa 92,453 sa 93,387 nga gila-umang total election returns.
Sigon ni COMELEC spokesperson John Rex Laudianco, running tally ang ilang gihimo rason nga lauman usab matud pa nga matag-adlaw, mohimo ang COMELEC og updated unofficial counts.
Samtang gipagawas na sa komisyon ang listahan sa mga kandidatong dili mahimong iproklama ugaling makadaug.
Lakip niini sila Marcelo Teodoro sa Marikina 1st District, Christian De Guzman Sia isip Pasig Representative, Mayor Fatimah Sali Salih sa Tawi-tawi, Mayor Belshezzar Abubakar sa Panglima Estino, Sulu ug uban pang dunay gi-atubang nga mga kaso nga dunay bug-at nga mga ebidensya.
Sumala ni Laudianco, mahimong mukuha ang maong mga kandidato og temporary restraining order sa Korte Suprema kansa mao lang ang makapahunong sa ilang suspensyon sa proklamasyon.
