BUTUAN CITY – Sunod-sunod nga mga dula karun ang salmotan sa mga muay thai athletes ning siyudad sa Butuan.
Kagahapong adlawa natapos ang 2024 Batang Pinoy Muay Thai Championship sa Puerto Princesa, Palawan diin sa 6 ka atleta nga misalmot, nakakuha kini og duha ka gold ug usa ka silver.
Ang nakasakmit sa silver medal mao ang babaye nga midula sa 16-17 years old category nga taga Agusan National Highschool pinaagi ni Airelou Pineda samtang Gold medals ang nakuha sa taga Libertad national Highschool.
Gipasalamat na lamang ni Arnold Quiambao, usa sa mga technical officials sa 2024 Batang Pinoy Muay Thai Championship, nga walay injury nga naangkon sa mga atleta. Nahimong coach sa mga Butuanong atleta ang iyang anak nga si Adrian samtang asst. Coach ang amahan sa usa sa mga atleta.
Human sa maong kompetisyon, moderetso ang nasangpit nga mga atleta sa Pasig City aron mosalmot sa 2024 National Muay Thai Championship nga himoon sa Disyembre 3 ngadto sa 8. Sumala pa ni Quiambao nga 10 tanan nga mga Butuanons ang mosalmot niini.
Gipasalamatan usab ni Quiambao ang mga ginikanan nga mitugut gayud sa ilang mga anak sa gihimong training tungod kay importante kaayu kini aron dili mahimong prone sa injury ang mga atleta.
Lakip sa gikumpirma usab niini nga ang taga barangay Dumalagan ning siyudad sa Butuan nga si Ejay Galendez, padulong na kini sa Hongkong aron mosalmot sa professional fight diin siya ang hugot nga gipangandaman sa mga kalaban human nag-kampiyon usab sa Taiwan.
