BUTUAN CITY – Ningbuga og 10,449 ka toneladang sulfur dioxide ang Mt. Kanlaon sulod lamang sa 24-oras ug nakatala usab kini og 55 ka mga volcanic earthquakes.
Sumala sa Philippine Institute of Volcanology and Seismology kon PHIVOLCS, gisaka na sa alert level 2 ang Mt. Kanlaon diin apektado ang mga probinsya sa Negros Occidental ug Negros Oriental sa Negros Island.
Nagpahinumdum usab ang state seismic agency nga posible matud pang mahitabo ang phreatic explosion sa maong bulkan. Mukabat usab sa 800-metro ang sulfuric plume nga mapadulong sa amihanang direksyon. Gitambagan usab sa PHIVOLCS ang publiko nga dili una mo sulod sa 4-kilometro nga Permanent Danger Zone (PDZ) tungod kay dilikado kini nga mga lugar ugaling mo buto na ang Mt. Kanlaon.
